Kur Aretha Franklin e bëri Barack Obamën të përlotet (VIDEO)

16 Gusht, 2018 - 6:10 pm

Legjenda e muzikës soul, Aretha Franklin, sot ka ndërruar jetë.

Emri të cilin e njeh bota për zërin e fuqishëm dhe për karizmën e saj, në vitin 2015-të e bëri të qajë edhe asokohe presidentin amerikan, Barack Obama.

Aretha po e këndonte këngën “A natural woman” në Kennedy Center Honors 2015 kur Obama u përlot gjatë performancës.
Performanca sot numëron rreth 12 milion klikime në Youtube dhe mbetet ndër performancat e fundit dhe më fantastike të Franklin.

Vetë Obama pati thënë më parë se nëse do të shkonte në një ishull dhe larg njerëzve, do ta merrte me vete Aretha Franklin – për magjinë e zërit të saj dhe për dashurinë që ajo ka si person.

Më vonë në vitin 2016-të, Obama prapë e ftoi Franklin në Shtëpinë e Bardhë për të festuar Ditën Ndërkombëtare të Muzikës Jazz. / KultPlus.com

Të fundit

Të ngjajshme