“The Laser Rats” do të performojnë në mbrëmjen e sotme në Rockuzinë, shkruan KultPlus.

Ky formacion me Flamur Mahmutxhikun në tupan dhe vokal, Lum Tashin ne kitarë e vokal dhe Arian Osmanin në bas e vokal përmbledhë anëtarë të bendeve underground të skenës së Prishtinës si The Glasses, Zhaba e Hithat, muzikën të cilën e performon bendi është kombinim i energjisë së punk muzikës me ritmet dhe hapat e disco muzikës, e cila në vete krijon një tingull të padëgjuar më herët.

Bendi poashtu ka një klip muzikor të këngës së tyre origjinale “Fire in the ëhole”, ku incizmi i këngës dhe xhirimi i spotit është bëre nga Rat Records. Poashtu në përpunim e sipër është edhe EP-ja e tyre e parë, e cila do të përmbajë 5 këngë, dhe pritet të lansohet në fundvit. Ky grup është formuar në vitin 2016, në thellësitë e garazheve të Prishtinës, duke bërë zhurmë e duke qu pluhur./KultPlus.com