Sabri Fejzullahu është një nga këngëtarët më të spikatur të skenës muzikore në Kosovë, shkruan KultPlus

Edhe pse Fejzullahu vazhdon të jetë mjaft aktiv edhe në ditët e sotme, këngët e tij më të vjetra janë hite të jashtëzakonshme.

Sot, KultPlus ua risjell tekstin dhe videon e këngës ‘Takimi’ nga Sabri Fejzullahu.

Shumë vjet kaluan, që s’ishim parë
Si t’i harroj k’to vrragë mbi ty
Më vjen për të klithur e për të qarë
Shumë më mirë t’mos kisha sy

Mbi flokë të kishte reshur borë
Rrudhat të loznin nëpër fytyrë
Ku janë ata sy, ku ajo dorë
Pse zëri të paska tjetër ngjyrë

Ti ke qenë simbol i bukurisë
Krijuar nga dorë hyjnore
Ndaj i besoja amshueshmerisë
Dhe të tillë të kujtoja prore

Mbi flokë të kishte reshur borë
Rrudhat të loznin nëpër fytyrë
Ku janë ata sy, ku ajo dorë
Pse zëri të paska tjetër ngjyrë

Kohë e egër, kohë tinzare
Gjurmë që paska lënë mbi ty
Shumë më mirë t’mos ishim takuar fare
Shumë më mirë t’mos kisha sy

Kohë e egër, kohë tinzare
Gjurmë që paska lënë mbi ty
Shumë më mirë t’mos ishim takuar fare
Shumë më mirë t’mos kisha sy

Shumë më mirë t’mos kisha sy
Shumë më mirë t’mos kisha sy./KultPlus.com