Mbrëmë, në amfiteatrin e Bibliotekës Kombëtare është mbajtur koncerti i dytë me radhë i Festivalit Dam, me një koncert recital të Arsim Gashit, nën shoqërimin e pianistit Andi Durakut, shkruan KultPlus.

Nata e dytë e festivalit Dam, ishte një udhëtim në botën e muzikës klasike që u soll para publikut, me një kombinim të veprave të kompozitorëve të shquar si Edvard Grieg, Eugène Ysaÿe dhe Camille Saint-Sawns.

Performaca e fundit e koncertit u dha nga Orkestra e Harqeve e cila u përgëzua nga të gjithë.

Koncerti i radhës do të mbahet sonte, prej orës 19:30, ku të gjithë dashamirët e muzikës klasike kanë mundësi të shijojnë tinguj të mrekullueshëm të muzikës klasike./KultPlus.com