Nesër fillon edicioni i 12-të i Festivalit Shqiptar në Waterbury

23 Shtator, 2021 - 10:00 pm

Prej ditësh kanë nisur përgatitjet për edicionin e 12-të të Festivalit Vjetor Shqiptar në Waterbury, CT (Albanian Festival in Waterbury, CT) i cili do të mbahet nesër dhe pasnesër.

Ky aktivitet i përvitshëm do të mbledh bashkë nën ritmet e muzikës tradicionale shqiptare bashkatdhetarë të shumtë. Gjithashtu prej ditësh ka nisur përgatitjet për gatime tradicionale shqiptare, që nuk do të mungojnë gjatë ditëve të festivalit.

Organizatorët kanë njoftuar se në këtë edicion do të ketë edhe një performancë nga grupi i valltarëve ditën e shtunë në orën 17:00.

Gjatë këtyre viteve kanë qene pjesë e këtij manifestimi kulturor shqiptar më shumë se 5 mijë pjesëmarrës.

Siç kanë njoftuar edhe më herë organizatorët, eventi do të organizohet në përputhje me rregullat anti-covid.

Eventi i përvitshëm përfshin aktivitete kulturore, muzikë dhe kuzhinë shqiptare. Përmes këtij aktiviteti, komuniteti shqiptar prezanton kulturën, muzikën, traditat dhe ushqimet e autentike shqiptare në komunitetin amerikan të Greater Waterbury, SHBA. / KultPlus.com

Të fundit

Të ngjajshme