займ на карту онлайн потребительский кредит

Nominimet për ‘Grammy 2021’ ngjallën kritikat e Drake dhe artistëve të tjerë

26 Nëntor, 2020 - 9:50 pm

Drake dhe artistë të tjerë kanë kontestuar rëndësinë e ngjarjes së madhe muzikore “Grammy” nëpërmjet postimeve në instagram, shkruan KultPlus.

Nominimet për Grammy 2021 paraqitën disa pretendentë të rëndësishëm të këtij çmimi, së bashku me disa mungesa të cilat ngjallën kritika. Billie Eilish, Taylor Swift, Beyoncé dhe Dua Lipa kryesojnë listat e të nominuarve.

Mirëpo, këto nominime ngjallën kritika te disa artistë, e një ndër ta Drake.

“Ne duhet mos ta lejojmë veten të tronditemi çdo vit nga shkëputja midis muzikës me ndikim dhe këtyre çmimeve”, ka shkruar artisti i njohur botërisht, Drake.

Drake pastaj etiketoi artistë të tjerë të cilët nuk janë nominuar në Grammy, duke përfshirë Lil Baby, Pop Smoke dhe Popcaan, duke shtuar, “shumë emra të zhdukur për t’u përmendur madje”.

Në anën tjetër, kritika pati edhe The Weeknd, i cili poashtu nëpërmjet një storje në instagram ndau mendimet e tij.

“The Grammy mbetet e korruptuar. Më keni borxh mua, fansave dhe transparencës së industrisë”, ka shkruar The Weeknd.

Një ndër emrat që u përsërit më së shumëti në nominimet e sivjetme të Grammy ishte këngëtarja shqiptare, Dua Lipa. / KultPlus.com

Të ngjajshme