Këngëtari Sabri Fejzullahu këto ditë rrumbullaksoi gjysmë dekade në skenën muzikore. Ai përreth pesëdhjetë vite jo rrallë herë ka arritur të prek publikun me këngët e tij, shkruan KultPlus.

Përmes fuqisë së tij interpretuese, e teksteve të kompozitorëve më të njohur të vendit, Sabri Fejzullahu ka arritur të ngjallë emocione përmes këngëve të tij. Sytë e tij të mbyllur, e duart në lëvizje janë karakteristikë e përjetimit të veçantë artistik të këngëtarit.

Sabri Fejzullahu gjatë karrierës së tij, ka bashkëpunuar edhe me emra të tjerë të njohur të skenës muzikore shqiptare, përfshirë këtu Ledina Celon, Adelina Ismailin, Sinan Vllasaliun… Po ashtu ai në ekranet shqiptare, është shfaqur edhe në rolin e aktorit, ku ka luajtur përkrah aktorëve të njohur të vendit.

Këngët e vjetra të Sabri Fejzullahut depërtojnë edhe sot me të njëjtën fuqi artistike tek publiku, madje ato dëgjohen më shumë nostalgji.

KultPlus sot ju sjellë këngën dhe tekstin e një këngë më të vjetër të Sabri Fejzullahut, kënga e titulluar “Hija e flokut tënd”, mund të konsiderohet si një nga këngët që i ka rezistuar kohës.

Te kam prit ne strehë te ftohta
te kam përcjell ne mot me shi
sa te me vish një mbrëmje vjeshte
ne grusht ta marr flokun e zi
sa herë qelin trëndafilat
te fontana ne Prishtine
dua t`qel fytyra jote
drite qe praron n`dashuri

REF 2x:
se kur djeg ai diell i gushtit
pushton vapa kënd me kënd
nuk ka pemë qe me bën hije
sikur hija e flokut tënd