Pas akuzave për racizëm dhe mungesë transparence, ‘Grammy’ vjen me ndryshimin e madh

2 Maj, 2021 - 11:58 am

Organizatorët e Grammy Awards kanë hequr dorë nga komitetet e tyre anonime të votimit pas akuzave për manipulim, favorizim dhe racizëm.

Yje të famshëm si Zayn Malik dhe Halsey kishin pohuar se procesi i përzgjedhjes së fituesve të Grammy ishte i padrejtë dhe nuk kishte transparencë. Artistët me ngjyrë kanë kritikuar prej kohësh çmimet për mungesë diversiteti.

Në fillim të këtij viti, këngëtari kanadez The Weeknd akuzoi organizatorët e Grammy se ishin të korruptuar, pasi ai ishte injoruar në nominimet e këtij viti, pavarësisht një hitit të tij që theu rekord 52 javë në Top 10 në SHBA.

Akademia e Regjistrimit, një organizatë jo-fitimprurëse që përfaqëson krijuesit e muzikës, tha se përzgjedhja e të nominuarve dhe fituesve “po rikthehej në duart e të gjithë organit të anëtarësimit me të drejtë vote”. Ajo shtoi se më shumë se 90% e anëtarëve të saj do të kalonin nëpër një “proces të rikualifikimit” për të siguruar që organi i votimit “është i angazhuar në mënyrë aktive në krijimin e muzikës”. Akademia tha se po reduktonte gjithashtu një numër kategorish në të cilat votuesit mund të votojnë dhe do të shtonte dy kategori të reja çmimesh.

Procedura e votimit Grammy ka qenë mjaft e ndërlikuar. Më parë komitetet e përbëra nga 15-30 muzikantë “shumë të aftë” kishin fjalën e fundit në 72 kategori.

Vitin e kaluar, shefja ekzekutive e atëhershme e Akademisë së Regjistrimit, Deborah Dugan, pretendoi të kishte prova të parregullsive serioze në votim. Pretendimet e Dugan erdhën pasi ajo u pushua me akuza për sjellje të keqe, megjithëse ajo tha se kjo kishte ndodhur në shenjë hakmarrjeje për ngritjen e zërit.

5 ditë para ceremonisë së këtij viti, Zayn Malik ironizoi Grammy-t, duke sqaruar më vonë se ishte i shqetësuar për “nevojën e përfshirjes dhe mungesën e transparencës së procesit të nominimeve”, duke thënë se sistemi aktual lejon favorizimin, racizmin dhe politikën e rrjetëzimit të ndikojnë në votim.

Ndërsa The Weeknd tha për Billboard se në 61 vitet e fundit të Grammy, vetëm 10 artistë me ngjyrë kanë fituar çmimin e albumit të vitit, duke theksuar racizmin në eventin e rëndësishëm të muzikës.

Organizatorët e Grammy Awards kanë hequr dorë nga komitetet e tyre anonime të votimit pas akuzave për manipulim, favorizim dhe racizëm.

Yje të famshëm si Zayn Malik dhe Halsey kishin pohuar se procesi i përzgjedhjes së fituesve të Grammy ishte i padrejtë dhe nuk kishte transparencë. Artistët me ngjyrë kanë kritikuar prej kohësh çmimet për mungesë diversiteti.

Në fillim të këtij viti, këngëtari kanadez The Weeknd akuzoi organizatorët e Grammy se ishin të korruptuar, pasi ai ishte injoruar në nominimet e këtij viti, pavarësisht një hitit të tij që theu rekord 52 javë në Top 10 në SHBA.

Akademia e Regjistrimit, një organizatë jo-fitimprurëse që përfaqëson krijuesit e muzikës, tha se përzgjedhja e të nominuarve dhe fituesve “po rikthehej në duart e të gjithë organit të anëtarësimit me të drejtë vote”. Ajo shtoi se më shumë se 90% e anëtarëve të saj do të kalonin nëpër një “proces të rikualifikimit” për të siguruar që organi i votimit “është i angazhuar në mënyrë aktive në krijimin e muzikës”. Akademia tha se po reduktonte gjithashtu një numër kategorish në të cilat votuesit mund të votojnë dhe do të shtonte dy kategori të reja çmimesh.

Procedura e votimit Grammy ka qenë mjaft e ndërlikuar. Më parë komitetet e përbëra nga 15-30 muzikantë “shumë të aftë” kishin fjalën e fundit në 72 kategori.

Vitin e kaluar, shefja ekzekutive e atëhershme e Akademisë së Regjistrimit, Deborah Dugan, pretendoi të kishte prova të parregullsive serioze në votim. Pretendimet e Dugan erdhën pasi ajo u pushua me akuza për sjellje të keqe, megjithëse ajo tha se kjo kishte ndodhur në shenjë hakmarrjeje për ngritjen e zërit.

5 ditë para ceremonisë së këtij viti, Zayn Malik ironizoi Grammy-t, duke sqaruar më vonë se ishte i shqetësuar për “nevojën e përfshirjes dhe mungesën e transparencës së procesit të nominimeve”, duke thënë se sistemi aktual lejon favorizimin, racizmin dhe politikën e rrjetëzimit të ndikojnë në votim.

Ndërsa The Weeknd tha për Billboard se në 61 vitet e fundit të Grammy, vetëm 10 artistë me ngjyrë kanë fituar çmimin e albumit të vitit, duke theksuar racizmin në eventin e rëndësishëm të muzikës. / KultPlus.com

Të fundit

Të ngjajshme