Petrit Çeku hapë sonte “Peja International Guitar Festival”

28 Qershor, 2018 - 3:20 pm

Peja International Guitar Festival 2018, hapet sonte me performancën e kitarist të njohur Petrit Çeku, duke filluar nga ora 20:00 në Teatrin “Istref Begolli” në Pejë, shkruan KultPlus.

Në kuadër të festivalit, nesër do të performojë kitaristja Margarita Escarpa nga Spanja duke filluar nga ora 19:00. Më 30 qershor do të performojnë Julia dhe Christian Zelinski nga Gjermania si dhe më 1 korrik Alejandro Cordova nga Meksika.

Po ashtu më 30 qershor në Universitetin Haxhi Zeka në Pejë do të interpretojë duke filluar nga ora 12:30 Ivan simatoviç nga Kroacia. Ai është fitues kryesor i garave të treta ndërkombëtare për kitarë klasike “Ehat Musa”, në vitin 2017.

Në kuadër të festivalit do të organizohen edhe masterklasa së bashku me artistët Ehat Musa, Margarita Escarpa, Petrit Çeku, Thomas Offermann, Pia Gazarek Offermann, Julia Zielinski, Christian Zielinski dhe Alejandro Córdova.

Gjithashtu do të bëhet edhe ndarja e çmimeve për garën ndërkombëtare të kitarës, “Ehat Musa”.

Festivali i cili nisë sonte do të mbahet deri më 1 korrik në Pejë./ KultPlus.com

Të fundit

Të ngjajshme