Pianistja Melisa Ibrahimi fiton medaljen e bronztë në “The Nordic Piano Competition-Northen Lights” në Suedi

25 Qershor, 2021 - 12:12 pm

Ndonëse e re në moshë, pianistja kosovare Melisa Ibrahimi deri më tani shënon një numër të madh çmimesh nëpër garë të ndryshme ndërkombëtare për piano, shkruan KultPlus.

Rusia, Serbia, Gjermani e Londra tashmë veç janë njoftuar me talentin e saj, ku në gara të ndryshme të organizuara në këto vende, ajo ka arritur të dalë shpesh triumfuese.

Ndërsa tashmë Melisa ka njoftuar për një tjetër arritje. Është Suedia vendi i cili përmes garës “The Nordic Piano Competition-Northen Lights” 2021 ka shpërblyer pianisten kosovare me vendin e tretë.

Për këtë fitore ka njoftuar vetë Melisa duke e konsideruar si një fitore mjaft të rëndësishme. 

“Edhe nje fitore shume e rendesishme, •Vendi i III-te medalje e Bronzte ne International “The Nordic Piano Competition-Northen Lights” 2021 Suedi, ne kategorin vetem me veprat e kompozitorit F.LISZT”, ka shkruar Melisa teksa tutje ka treguar se vepra e interpretuara nga ajo është zgjehdur gjithashtu të jetë në live stream në kanalin “TrueArtTV” në fillim të muajit korrik.

Përveç tjerash, ky çmim i fituar nga Melisa, përfshinë edhe propozimin e jurisë për vazhdimin e karrierës në ndonjë nga Universitetet e ndryshme të botës.

Pjesë e jurisë në këtë garë ka qenë edhe pianisti Tony Yike Yang që ishte fitues i vendit të 5-të në garën “XVII International Chopin Piano Competition” 2015.

Ky çmim dhe diplomat e garës do t’i shërbejnë Melises për të mirë pasi pranohen nga të gjitha Universitetet e botes.

 Si cdo herë, Melisa nuk harron të falënderoj profesoreshën e saj Alberta Troni të cilën e konsideron si më meritoren për të gjitha këto suksese.

“Per çmimet dhe te gjitha sukseset e mija padyshim qe meritat me te medha i ka Profesoresha ime Alberta Troni. I jam falenderuese gjithmone per mbeshtetjen , punen, perkrahjen e madhe dhe cdo gje qe me ofron!”, ka shkruar Melisa. / KultPlus.com

Të fundit

Të ngjajshme