займ на карту онлайн потребительский кредит

Prishtina International Vocal Festival hapë konkurs për kompozitorë

24 Prill, 2018 - 6:31 pm

Alberina Haxhijaj

Prishtina International Vocal Festival do të nisë edicionin e parë si i vetmi festival që i dedikohet vetëm muzikës vokale.

Festivali do të ketë prioritet promovimin e muzikës vokale në vendin tonë, e në veçanti të nxisë kompozitorët kosovarë për të krijuar muzikë vokale, shkruan KultPlus.

“Në këtë edicion, në festival do të hapet një konkurs vetëm për kompozitorët kosovarë të gjeneratës së re që të shkruajnë vepra korale (SATB me ose pa shoqërim instrumental) ku më pas, veprat fituese do të interpretohen nga Kori i Filharmonisë së Kosovës, në koncertin përmbyllës të Festivalit, me datë 07.10.2018 në Prishtinë”, kanë bërë të ditur organizatorët e festivalit për KultPlus.

Tutje ata kanë bërë të ditur se rregullat e konkursit janë:
• Vepër për Kor (SATB) a cappella apo me përcjellje instrumentale
• Tematika e lirë
• Kohëzgjatja deri në cca 7 minuta
• Afati i fundit për dorëzim është 30.06.2018.
• Vepra duhet të dërgohet në e-mail: [email protected] si PDF file.

Veprat do të përzgjidhen nga Juria profesionale e Festivalit, ndërsa tri veprat fituese të këtij konkursi, përveç interpretimit që do të bëhet nga Kori i Filharmonisë së Kosovës, do të botohen në Attacca Edition.

Ky edicion i festivalit do të mbahet nga 2 tetor deri më 7 tetor, 2018. / KultPlus.com

Të ngjajshme