Këngëtarja Elina Duni, pas dy viteve punë ka lansuar kësisoj me 27 prill projektin e saj të radhës muzikor – ‘Partir’.

Duni, një artiste e kompletuar, ka lansuar projektin me disa këngë brenda tij, përfshirë “Amara Terra Mia”, “Vaj si Kenka” – një këngë tradicionale shqipe nga Maqedonia, “Meu Amor”, “Vishnja” dhe melodi të tjera të bukura që rrjedhin prej zërit të veçantë të Elinës.

Nga dje albumin mund ta bleni kudo në Evropë dhe në Shtetet e Bashkuara të Amerikës, shkruan KultPlus.

Elina Duni mbetet ndër zërat më të mirë shqiptarë në botën e muzikës jazz. Ajo ka qenë disa herë me koncerte edhe në Prishtinë.

‘Partir’ kësisoj është projekti i radhës i cili e sjellë Elinën edhe më afër shqiptarëve dhe kulturës e muzikës shqipe, pasi brenda albumit janë përfshirë këngë të trevave të ndryshme shqiptare. / KultPlus.com