займ на карту онлайн потребительский кредит

Publikohet një këngë e padëgjuar më parë e Amy Winehouse

27 Shkurt, 2018 - 9:54 pm

Ka dalë në Youtube një demo e një kënge të panjohur deri tash nga Amy Winehouse.

“My Own Way” nuk është dëgjuar më parë nga fansat e këngëtares e cila ka ndërruar jetë para disa vitesh.

Pas vdekjes së Amy Winehouse në vitin 2011, shumica e incizimeve të saj ishin shkatërruar. Qëllimi ishte që të mos krijoheshin më shumë incizime pas vdekjes së saj. Sidoqoftë, një tekstshkrues dhe muzikant, Cil Cang ka ngarkuar një këngë të këngëtares në Youtube, këngë të cilën ajo e kishte realizuar gjatë kohës sa ajo ishte adoleshente.
Cang ka treguar për gazetën britanike “Candem New Journal” se Winehouse ka kënduar këngën “My Own Way”, gjatë kohës kur ajo tentonte të merrte vëmendjen e producentëve.

“Ne kemi qenë duke shkruar shumë këngë dhe kemi bërë promovim të disa artistëve, disa prej tyre nuk kanë pasur shume talent… Amy pati ardhur te ne, dhe posa kishte filluar të këndonte na la pa frymë”, ka treguar ai.

Amy Winehouse na ka lënë trashëgimi këngët e saj më të mira, mes tyre “Back to Black”, “Valerie”, “Love is a Loosing Game”, “Hey Little Rich Girl”, “You know Im no good”, “Tears dry on their own” dhe këngë tjera. / KultPlus.com

Të ngjajshme