Ylli botëror, Rita Ora, do të performoj nga shtëpia për të mbështetur thirrjen më të madhe për ndihmë të bërë ndonjëherë nga UNICEF, shkruan KultPlus.

Ajo ka bërë thirrje që të dhurohet aq sa mundet teksa ka thënë se ka nderin të performoj për këtë thirrje.

“Është një nder i madh të performoj nga shtëpia ime për të mbështetur thirrjen më të madhe të @ unicef UK  në histori!  Ju lutemi dhuroni gjithçka që mundeni në linkun në llogarinë time”, ka shkruar Ora në Instagram.

Tutje, Ora ka thënë se Coronaviusi po shkatërron gjithçka.

“Në të gjithë botën, Coronavirus po prish gjithçka. Po mbyll shkollat, po u pamundëson foshnjave të marrin vaksina dhe vazhduar jetën në këto zonat e katastrofës. Një brez i tërë fëmijësh janë në rrezik dhe unë ju bëj thirrje që të jepni me aq sa mundeni”. / KultPlus.com