4 Shtator, 2022 - 8:00 pm
Këngëtarja shqiptare me famë botërore, Rita Ora, ka performuar së fundmi në festivalin “Superbloom” në Mynih të Gjermanisë, shkruan KultPlus.
31-vjeçarja ndau disa fotografi dhe video me ndjekësit e saj në rrjetin social ‘Instagram’. Ndërkaq, në mbishkrim ajo thotë se Shqipëria është ndalesa e saj e radhës.
“Ju keni brohoritur jashtë mase, saqë u argëtova shumë atje lart! Faleminderit ‘Superbloom’ dhe të gjithë atyre që erdhën për të parë dhe kënduar në majë të mushkërive! Ju pashë të gjithëve!!! Shqipëria ti je ndalesa radhës! Shihemi së shpejti!!”, ka shrkuar Ora.
E veshur me markën “Versace”, ajo është shfaqur tejet tërheqëse. Duket se artistja iu është rikthyer koncerteve mbresëlënëse anembanë botës.
Ora po ashtu ka paralajmëruar se do të sjell së shpejti për fansat edhe albumin e saj të shumëpritur, ‘Rita Ora 3’. / KultPlus.com
