Hana Cakuli është një ndër këngëtaret e rralla që arriti ta bëjë publikun për vete me pak këngë e ta mbajë pas vete edhe shumë vite të tjera me po ato këngë, shkruan KultPlus.

Kënga ‘Simbol’, është një ndër këngët përmes së cilës Cakuli e bëri publikun të dashurohet pas saj.

Teksti i këngës “Simbol” reflekton ndjenjat e një personi që ka përjetuar një ndarje të cilën vazhdon ta vuaj.

Kjo këngë e bukur dhe e ndjeshme ka arritur të prekë shumë zemrat e publikut, madje edhe u shpërblye me shumë çmime. Çmimin Vokali më i Mirë në Festivalin e Këngës Magjike 2008, Shqipëri; Çmimi më i mirë Pop dhe Çmimi për Stilimin më të Mirë në Video Fest 2008, Kosovë.

KultPlus ju risjell sot që ta shijoni e ta kujtoni “Simbolin” e Hana Cakulit.

Simbol

Nuk ka më kohë dhe fundin shoh,
Një fjalë është e fundit, dëgjo.
E di, kam faj por prit, tek ti shpirtin kam…

Ref.
Ti mos më harro, se nuk mundem jo
Shpirti m’u dogj më zë,
zemra nuk rrahu më për ty, për ty.

Ti mos me harro, se nuk mundem jo
Shpirti m’u dogj më zë, zemra nuk rrahu më
Si mundet një trup pa shpirt.

Nuk dua mëshirë,
të fundit puthje më fal tani
Pastaj lërmë te qaj.
Një ndjenjë po vdes,
merre frymën që sot nga unë po del..

Ref.
Ti mos më harro, se nuk mundem jo
Shpirti m’u dogj më zë,
zemra nuk rrahu më për ty, për ty.

Ti mos me harro, se nuk mundem jo
Shpirti m’u dogj më zë, zemra nuk rrahu më
Si mundet një trup pa shpirt. / KultPlus.com