Mbrëmë, në kuadër të hapjes së edicionit të 13-të të Festivalit DAM është bërë edhe ndarja e çmimeve për garën “10 minuta në instrument solo 2018”. Fituese është shpallur violistja Sonila Dungaj nga Tirana, shkruan KultPlus.

Alberina Haxhijaj

Festivali DAM në bashkëpunim me “West Coast Symphony Orchestra” (Vankuver, Kanada), në nderim të 10-vjetorit të Pavarësisë së Republikës së Kosovës, kishin hapur edicionin e parë të garës “10 minuta në instrument solo 2018”.

Gara e cila është mbajtur më 28 dhe 29 mars 2018 në Prishtinë si pjesë e turneut ballkanik të “West Coast Symphony Orchestra” ka përfshirë edhe dhurimin e disa instrumenteve për institucione të ndryshme arsimore nëKosovë. Instrumente këto të cilat do të ndahen për dy shkolla të muzikës në Prizren dhe për shkollën e muzikës në Prishtinë. Drejtori i Festivalit DAM, Dardan Selimaj ka treguar për KultPlus se ky bashkëpunim ka qenë iniciativë e West Coast Symphony.

“Ne kemi qenë të interesuar që të bashkëpunojmë për disa arsye. Fillimisht, sepse nuk kemi mundësi që me fondet që i kemi të ftojmë ansamble të mëdha e që veprojnë jashtë Kosovës. Pastaj është edhe arsyeja se ata kanë qenë të interesuar që të dhurojnë instrumente nëpër shkolla të muzikës dhe ne gjithmonë kemi nevoje për donacione të tilla të instrumenteve”, ka treguar ai për KulPlus.

Këtë vit në garë kanë qenë dhjetë konkurrentë nga Shqipëria, Maqedonia dhe Kosova, gara ka qenë e hapur edhe për konkurrent nga Mali i Zi, mirëpo nuk ka pasur konkurrent nga ky shtet.
Lirdina Kukaj (Kosovë), Sonila Dungaj (Shqipëri), Entela Qarkagjija (Kosovë) dhe Ardita Osmani (Maqedoni) janë seleksionuar si më të mirat dhe janë kualifikuar për finale. Kurse fituese është zgjedhur Sonila Dungaj nga Tirana.

Gara ka qenëvetëm për violist. Organizatorët e Festivalit DAM po planifikojnë që vitin tjetër të gjejnë edhe donatorë të tjerë, që do të dhurojnë instrumente të ndryshme, në mënyrë që të vazhdohet kjo traditë garuese. Juria e garës është përbërë nga: PaulMcEwen – President i WCSO (Kanada), BarbaraIrschick – violiste (Kanada), BruceIrschick – violist (Kanada), MarkJackson – violist (Kanada)./KultPlus.com