Sonte do të mbahet finalja e Këngës Magjike.

Festivali prestigjioz në këtë edicion të 20-të sonte do të përmbyllet me ndarjen e çmimeve dhe me parakalimin e këngëve më të mira e më të suksesshme.

Pas dy netëve gjysmëfinale dhe qindra thashethemeve mbi secilin këngëtar, sonte do të dihet kush do të jetë fituesi a fituesja e festivalit, dhe kush do ta pasojë Anxhela Peristerin në fitoren e saj të vitit të kaluar.

Edhe këtë vit, këngëtarë të rinj e këngëtarë të njohur kanë parakaluar në festivalin që ka renome në estradën shqiptare.

Flori Mumajesi, Rozana Radi, Krusita, Kanita, Erik Lloshi, Ronela Hajati, Fifi, Mc Kresha dhe emra të tjerë kanë sjellë projektet e tyre në këtë edicion.

Pritet të shihet sonte kush do të fitojë këtë edicion dhe natë magjike të Këngës Magjike 2018. / KultPlus.com