“Fullstop” është një grup nga Shkupi, i cili filloi të performoj në vitin 2008. Duke filluar së pari të luante si një cover grup në shumë koncerte dhe klube të natës, së shpejti filluan të krijonin këngët e veta dhe t’i incizonin ato, shkruan KultPlus.

Gjatë viteve kanë marrë pjesë në festivalin Top Fest në Tiranë, ku edhe kenë qenë të nominuar si grupi me i mire alternativ. Gjithashtu janë shfaqur disa herë në festivalin e birrës në Shkup, Pivolend etj. Një nga shfaqjet e tyre të paharrueshme është edhe koncerti bamirës “Jam per Lopen” në Prishtinë ku kanë luajtur me artistë të njohur.

Përkundër faktit që gjatë gjithë kohës që janë së bashku ka pasur vështirësi ku disa nga anëtarët e grupit duhej të largoheshin nga vendi për periudha të caktuara, prapë kanë arritur të qëndrojnë së bashku dhe të bëjnë atë që duan. Arian Jusufi (Guitar), Omer Idrizi (Drums), Lis Asllanaj (Bass Guitar) dhe Agnesa Cavolli (Vocals)./KultPlus.com