Sot dua të të them më fal
Asgjë më shumë, njeri unë jam
Mos gjyko ti zemra ime, se kush e di
Ndoshta dhe më keq do bëje ti.

Me këto vargje fillon refreni nga kënga “Më fal” e Elvana Gjatës. Kënga, e dashur tanimë për shumë fansa të Elvanës, brenda pak javëve është shikuar miliona herë në Youtube.

Pjesë e albumit më të ri të Elvanës, balada është shkruar nga vetë artistja, me ndihmën e Pirro Çakos në kompozim.

Se të gjithë mund të gabojmë, dhe gabimet falen, kështu Elvana e ka konceptuar e përthekuar këtë këngë ku ajo e ka shkrirë personalitetin e saj.

Elvana Gjata ka befasuar me albumin e saj të fundit dhe sidomos me këtë baladë të cilën po e sjellim sot edhe njëherë në kujtesë, për të treguar talentin dhe muzikalitetin që e ka kjo këngëtare e re në moshë por shumë e dashur për shqiptarët. / KultPlus.com