The Spice Girls po ribashkohen për projekte të reja

3 Shkurt, 2018 - 9:32 am

Pasi fotografitë nga ribashkimi i tyre në Londër kanë dalë nëpër internet, Spice Girls kanë treguar se 2018-ta është viti i muzikës për to.

Victoria Beckham, Emma Bunton, Geri Halliwell, Mel B dhe Melanie C po bashkohen për mundësi të reja, për të sjellë figurën e femrës edhe më të fuqishme, në këtë kohë moderne.

Sipas burimeve, po planifikohet një album me këngët më të mira të Spice Girls por edhe një emision televiziv. Beckham nuk dëshiron më të jetë vokaliste, ndërsa vajzat tjera kanë postuar fotografi së bashku duke falënderuar njëra-tjetrën për një udhëtim fantastik muzikor.

Spice Girls u formuan në vitin 2004, ndërsa kënga e tyre “Wannabe” ishte e para në 37 shtete të botës.
Në vitin 2012-të, vajzat u bashkuan për të performuar në Lojërat Olimpike të Londrës, dhe kjo ishte e fundit herë që ato kënduan të gjitha së bashku në skenë.

“Stop”, “Spice your life”, “Headlines”, “Mama” janë disa prej këngëve të këtij grupi anglez. / KultPlus.com

Të fundit

Të ngjajshme