Në kuadër të manifestimit “Ditët e Nënë Terezës” të hënën më 5 shtator, prej orës 20:00 në Qendrën “Bogdani Polis”, Katedralja “Shën Nënë Tereza” në Prishtinë, Filarmonia e Kosovës organizon koncert në shënim të 25-vjetorit të kalimit në amshim të Shën Nënë Terezës.

Në koncert do të interpretohen fragmente nga “Rekuiem-i” i kompozitorit Wolfgang Amadeus Mozart dhe vepra tematike nga kompozitorët Genc Tukiçi, Valton Beqiri dhe Kreshnik Aliçkaj.

Shën Nënë Tereza ka ndërruar jetë më 5 shtator të vitit 1997, në Kalkutë të Indisë.

Ajo ishte humaniste e njohur shqiptare, fituese e çmimit Nobel për Paqen, kurse me 19 tetor të vitit 2003 u shpall e bekuar nga Vatikani./ KultPlus.com