The Cranberries e kujtojnë me album të ri vokalisten O’Riordan

17 Janar, 2019 - 8:56 pm

Një album i tërë do t’i kushtohet asaj që i dha jetë këngëve të tyre.

Cranberries po e incizojnë albumin e radhës për ta kujtuar vokalisten Dolores O’Riordan e cila ndërroi jetë në janar të vitit 2018-të.

Cranberries tanimë e ka publikuar këngën ‘All other now’ e cila do të jetë pjesë e këtij albumi, i cili do të publikohet në muajin prill.

The Cranberries janë njohur në botë me këngët e tyre “Zombie” apo “Ode to my family”.

Albumi do ta sjellë vokalisten para publikut sikur ajo të mos ishte larguar kurrë. Këngët janë të shkruara nga vetë ajo, në muajt e fundit të jetës.

Dolores në të kaluarën ka vuajtur nga depresioni dhe doza e madhe e alkoolit, por duket se ka ndërruar jetë kur ishte në një ritëm të madh të punës.

Pas përfundimit dhe lansimit të albumit, grupi do të ndahet për një kohë dhe do të pauzojë nga karriera muzikore. / KultPlus.com

Të fundit

Të ngjajshme