‘The Moog’ do të performojnë në ‘Hardh Fest 2019’

25 Korrik, 2019 - 12:00 am

Rok grupi hungarez performon më 16 gusht.

Rok grupi nga hungaria, “The Moog” është grupi i parë që është prezantuar që do të performojë në “Hardh Fest 2019”. Kjo është bërë e ditur nga vetë organizatorët e festivalit, të cilët kanë treguar që ardhjen e këtij grupi në festival është mundësuar me mbështetjen e Ambasadës Hungareze në Prishtinë.

“Hardh Fest 2019 me kënaqësi ua prezanton grupin e parë në Line Up, The Moog nga Hungaria! THE MOOG është grupi më i famshëm i rokut alternativ në Hungari dhe njihet si grupi i parë në rajon që ka arritur të nënshkruajë me një label amerikan.“, thuhet në njoftimin e festivalit.

Rok grupi hungarez do të performojë me datën 16 gusht. Festa e Vjeljes së Rrushit “Hardh Fest”, është një nga manifestimet më të rëndësishëm në komunën e Rahovecit dhe nga më të veçantat në Kosovë, ku përmes këtij manifestimi tradicional, synohet që të promovohen vlerat e rajoneve vreshtare të Kosovës dhe produktet e tyre, me qellim që të zënë vendin e merituar, si pika kryesore turistike në hartat turistike vreshtare të Kosovës dhe Rajonit. “Hardh Fest” këtë vit do të mbahet më 16, 17 dhe 18 gusht.

Të fundit

Të ngjajshme