Gruaja që u vra nga i dashuri i saj.

Cila ishte Elisa Day, që Nick Cave e bëri këngë dhe e këndoi me Kylie Minogue.

Kënga “Where the wild roses grow” (Aty ku rriten trëndafilat e egër), që këndohet nga i zymti Nick Cave dhe e “këndshmja” Kylie Minogue, i referohet vrasjes së një gruaje nga i dashuri i saj.

Duke kënduar të alternuar rrëfejnë secili nga ana e tij, njohjen e tyre. Dashuria që i bashkoi dhe shëtitja vdekjeprurëse në lum. Aty ku burri, vrau të dashurën e tij me një gur.

“Kur u shkrua “Aty ku rriten trëndafilat e egër” kisha Kylie në mendjen time”, tha Cave, që kërkonte këngëtaren e duhur, me të cilën do të bashkëpunonte për këtë këngë. Kur kompozoi “Aty ku rriten trëndafilat e egër”, ia dërgoi dhe sigurisht Minogue pranoi, pasi bashkëpunimi me Cave ishte edhe ngritje artistike. Cave u frymëzua për këtë këngë kur dëgjoi historinë “Doën in the Willow Garden”. (Poshtë në kopshtin e Willow), aty ku një burrë vret të dashurën e tij të bukur dhe e hedh në lumë.

Në vargjet: “Aty ku rriten trëndafilat e egër” fillimisht përshkruhet dashurinë e tyre e rrufeshme.

Nick Cave: Nga dita e parë që e pashë, e dija se do ishte një dhe e vetme. Shihte brenda syve të mi dhe buzëqeshte, sepse buzët e saj kishin të njëjtën ngjyrë me trëndafilat që rriten në lumë, të përgjakshëm dhe të egër.

Kylie Minogue: Kur trokiti në derën time dhe hyri në dhomë, të ngjethurat u larguan brenda në sigurinë e përqafimit të tij, do bëhej i pari im, dhe me kujdes fshihu me dorën e tij lotët që derdheshin mbi fytyrën time.

Cila ishte dita Elisa Day? Emri Elisa Day që përdor Cave në këngën e tij i referohet një gruaje e cila, sipas legjendës, jetonte në Europë në periudhën mesjetare dhe të gjithë thoshin se bukuria e saj krahasohej me trëndafilat e egër që rriten në brigjet e lumit.

Vazhdimi i këngës.

Nick Cave: Ditën e dytë i ofrova një lule, ishte gruaja më e bukur që kisha parë dhe i thashë: “E di se ku rriten trëndafilat e egër kaq ëmbël, të kuq dhe të lirë”.

Kylie Minogue: Në ditën e dytë erdhi vetëm me një trëndafil të kuq dhe tha: “do më japësh ndjenjën e humbjes dhe vuajtjen tënde?” i bëra shenjë me kokë “po”, teksa isha shtrirë në shtrat tha: “në qoftë se të tregoj trëndafilat, do të më ndjekësh nga pas?”

Sipas legjendës mesjetare, e cila ka karakteristikat e këngëve popullore, vajzën e dashurojë një burrë i cili mbërriti në qytet. Ai iu afrua dhe i kërkoi të shkonin në lumë. Atje ai e vrau, e goditi me një gur në kokë.

Kylie Minogue: Ditën e tretë më shpuri te lumi, më tregoi trëndafilat dhe u puthëm dhe gjëja e fundit që dëgjova ishte një fjalë pëshpëritëse në çastin që u gjunjëzua mbi mua me një gur në grushtin e tij.

Nick Cave: Ditën e fundit e shpura atje ku rriten trëndafila dhe u shtri në breg, era frynte e lehtë si vjedhës teksa i dhashë puthjen e lamtumirës. Thashë, “e gjithë bukuria duhet të vdesë” dhe u përkula dhe mbolla një trëndafil në mes të dhëmbëve të saj.

Kylie Minogue: Më thërrasin trëndafil i egër, por emri im ishte Eliza Day. Pse më quajnë kështu, nuk e di, emri im ishte Eliza Day. – Ngjarje nga Historia Botërore. /KultPlus.com