Këngëtarja afrikane e pop-it, fituese e disa çmimeve, e njohur gjerësisht si Zahara, është ndarë nga jeta në moshën 35-vjeçare, njoftoi ministri i kulturës i vendit.

Ajo kishte ishte shtruar në spital, pasi kishte pasur komplikime të mëlçisë dhe qeveria kishte ndihmuar familjen “për disa kohë”, tha Ministrja e Sportit, Artit dhe Kulturës Zizi Kodwa.

Këngëtarja fitoi famë në vitin 2011 me albumin e saj Loliwe. Në vitin 2019, Zahara foli për betejën e saj me varësinë ndaj alkoolit. Ajo ndërroi jetë të hënën mbrëma në një spital të Johanesburgut në moshën 35-vjeçare, raporton agjensia shtetërore e lajmeve SABC.

Ndërkohë që familja e saj nuk ka dhënë ende një deklaratë zyrtare, fansat janë pikëlluar dhe kanë ndarë kujtime të bukura në rrjetet sociale.

“Zahara dhe kitara e saj kishin një ndikim të jashtëzakonshëm dhe të qëndrueshëm në muzikën e Afrikës së Jugut,” postoi zoti Kodwa në X (ish-Twitter).

“Ajo na la një muzikë kaq të bukur,” postoi një përdorues i X.

Zahara, e cila publikoi pesë albume, fitoi dhjetëra çmime vendore dhe ndërkombëtare. Në vitin 2020, ajo u emërua në listën e 100 grave të BBC-së.

Këngëtarja përdori gjithashtu platformën e saj për të folur për dhunën ndaj grave në Afrikën e Jugut, diçka që ajo zbuloi se i kishte ndodhur asaj.

Në një intervistë vitin e kaluar, Zahara tha se muzika e saj nuk ishte për njohje, por për të sjellë ngushëllim për shpirtrat e thyer që kanë nevojë për shërim. /KultPlus.com