займ на карту онлайн потребительский кредит

Imzot Frendo: Çdo fatkeqësi sjell diçka pozitive

12 Mars, 2020 - 9:30 pm

Në këtë kohë të vështirë për të gjithë, kur më shumë se kurrë është nevoja që të qëndrojmë në shtëpi për të mbrojtur veten dhe të tjerët, Imzot Ipeshkv George Frendo në një lidhje live me Ilva Now, në Euronews Albania iu bëri thirrje shqiptarëve të tregojnë solidaritet dhe të bëhen të përgjigjeshëm. “Çdo fatkeqësi mund të sjellë me vete diçka poizitive. Është rast për të treguar më shumë solidaritet dhe të bëhemi më të përgjegjshëm se kjo sëmundja na tregon jo vetëm përgjegjësinë që kemi për veten por edhe për të tjerët. Unë përsonalisht kur kam folur me të tjerët këto ditë kam thënë se unë përsonalisht jo se kam frikë nga koronavirusi por u kam thënë se kam përgjegjësi për ju. Nëse unë infektohem, unë që kam shumë kontakt me popullin, vë në rrezik edhe të tjerët. Për këtë duhet të jemi më shumë të vetëdijshëm”.

Imzot Frendo përmend se që më 29 shkurt janë dhënë disa udhëzime për besimtarët. Që nga ajo ditë në kisha është hequr uji i bekuar, kungimi nuk jepet mbi gjuhë por me dorë, në momentin që në kishë thuhet t’i japim paqen njëri tjetrit të mos i jepet dora dhe që mos të preken statujat. “Kur kemi dhënë këto udhëzime, na kanë thënë se e kemi tepruar e kemi krijuar panik kot, por këtë javë kemi vënë re se këto masa ishin shumë të dobishme për të shmangur rrezikun që të infektohemi. Kemi anuluar çdo aktivitet nga ana e kishës, edhe pelegrinazhin në nder të Shna Ndout. Nga ana jonë kemi njoftuar nëpërmjet shtypit se nuk do të bëhet”.

Imzot Frendo e mbyll fjalën me një mesazh dhe lutje për të gjithë ata që i përgjigjen situatës aktuale me frazën “Do na ruajë Zoti!” “Përgjigjem me fjalët e Jezu Krishitit! Kur Djalli i tha Jezusit hidhu nga tempulli, nga çatia e tempullit, të gjithë njerëzit do të çuditen që nuk do të të ndodhë asgjë. Do të vijnë engjëjt, do të të mbrojnë, Jezusi i është përgjigjur: ‘Mos e tundo Zotin tënd!’ Dhe të njejtën fjalë kam unë, mos të themi Zoti do të na ruajë! Zoti nuk do të lejojë që unë të shkoj në kishë për meshë dhe të marr infeksion! Ne kemi detyrë morale të mbrojmë vetveten kundër rrezikut e prandaj kemi detyrë të marrim të gjitha masat që të mos marrim këtë infeksion. E për këtë arsye kemi marrë këtë vendim të vështirë për ne, të cilën e kemi diskutuar shumë. Jemi në kohën e Kreshmeve, është koha më e bukur, më e rëndësishme në tërë vitin, megjithatë ne kemi bërë këtë sakrificë e kemi marrë këtë vendim. Nuk do të bëjmë meshë në kishë. Nuk do të kemi asnjë kremtim në kishat tona sepse kemi detyrë morale”. /KultPlus.com

Të ngjajshme