займ на карту онлайн потребительский кредит

Librat mund t’i digjni, idetë kurrë

Shtator 26, 2018 - 6:00 pm

Djegia publike e librave të cilësuar si “kundër shpirtit gjerman” nga nazistët njihet nga të gjithë edhe sot.

Liderët nazistë caktuan një grup studentësh që bastisnin bibliotekat dhe libraritë dhe u vinin flakën librave.

Mes autorëve të listuar për libra të ndaluar ishte edhe Hellen Keller, e cila në atë i dërgoi një letër trupit studentor në Gjermani.

“Nëse mendoni se mund të vrisni idetë, historia nuk ju ka mësuar asgjë. Tiranët janë përpjekur shpesh ta bëjnë, por idetë janë ngritur mbi ta dhe i kanë shkatërruar”, pati shkruar Helen Keller më 9 maj 1933, transmeton botimeshqip.com

“Ju mund t’i digjni librat e mi, ju mund të digjni librat e mendjeve më të shkëlqyera të Europës, por idetë në ta e kanë gjetur mënyrën të rrënjosen në mendjet e miliona të tjerëve”.

“Të gjitha të ardhurat nga librat e mi i kam dhënë gjithmonë për ushtarët gjermanë të verbuar gjatë luftës. E kam bërë këtë me dashuri në zemër dhe dhembshuri për popullin gjerman. Unë i njoh brengat që çuan drejt kësaj intolerance”.

“Mos mendoni se barbarizmat tuaja ndaj hebrenjve nuk i di njeri këtu. Zoti nuk fle; gjykimit të tij nuk do t’i shpëtoni. Më mirë një gur në qafë e të mbytesh në det sesa të urrehesh dhe përçmohesh nga të gjithë”./ KultPlus.com

Të ngjajshme