Sot, nis “Mirëdita, Dobar dan!”, festivali që synon të thyejë barrierat Kosovë-Serbi, shkruan KultPlus.

Pjesëmarrësit në këtë festival janë nisur sot herët në mëngjes drejt Beogradit, por policia kufitare e Serbisë, ka bërë kontroll të detajuar pjesëmarrësve dhe mediave, për të parë nëse ka simbole të shtetit të Kosovës.

Për këtë veprim të policëve ka reaguar ministri i jashtëm i Kosovës, Behgjet Pacolli, i cili ka shkruar se dënon ashpër sjelljen e policisë kufitare serbe ndaj pjesëmarrësve nga Kosova për “Mirëdita, Dobar dan”.

 “Dënoj ashpër sjelljen e policisë kufitare serbe ndaj pjesëmarrësve nga Kosova për “Mirëdita, Dobar dan”, aktivitet ky që kërkon pajtimin mes dy vendeve. Është i njëjti mentalitet dhe sjellje e policisë serbe si në vitet e 90’ta”, ka shkruar Pacolli në Twitter. / KultPlus.com