займ на карту онлайн потребительский кредит

Mohimi

25 Shkurt, 2019 - 3:40 pm


Hasan Dajaku

U nisën kafshët vargan – vargan
Me plagë në shpirt, plot dëshpërim,
Erdhën… si erdhën në Ballkan,
Në det të egër, ku s’ka shenjtërim!

Ku mbytet paqja me gjak fëmijësh,
Urrejtja e egër mirësinë mohon,
Qyqja vashëmbushur – pikëllim,
Nuk gëzon, bre kurrë – vetëm qyqon!

Djall e i bir’ mbollën urrejtje,
Lubia e egër mbolli çmendi.
Gogolë, fantazmë ngriten pushtet,
Shuhet në lindje agimi i ri.

Ora Shqiptare sogjon nga Alpet,
Flokët diellorë era ia kreh,
Hëna e argjendtë i shpalon plagët:
Do derdhet gjak siç u derdh dje?! / KultPlus.com


Të ngjajshme