Ai nuk donte më shumë

30 Tetor, 2018 - 2:00 pm

Poezi nga Maram Al-Masri. Përktheu Skënder Buçpapaj.

Ai nuk donte
me shumë se kaq:
një shtëpi
fëmijë
dhe një grua
që e do atë
Por ai u zgjua një ditë
dhe pa se shpirti i tij
ishte plakur

Ajo nuk donte
më shumë se kaq:
një shtëpi
fëmijë
dhe një burrë që e do atë
ajo u zgjua
një ditë
dhe pa
se shpirti i saj
kish hapur dritaren
dhe kish fluturuar./KultPlus.com

Të ngjajshme