Autori i poezisë së famshme antologjike ‘Kur vdiq baba’, Arbër Selmani, është i ftuari i radhës në natën e poezisë, i cila do të mbahet në oborrin e Rezidencës 17, shkruan KultPlus.

Arbër Selmani, përndryshe është autor i katër librave, dy prej tyre libra letrarë. Ai gjithashtu është fitues i vendit të parë në Festivalin Letrar Tirana Gate 2021 dhe fitues i vendit të tretë në Festivalin Letrar ‘Muza e Agimit’ në Zhegër.

Poezitë e tij janë përkthyer në gjuhën angleze, franceze, serbokroate, italiane, norvegjeze e turke, ndërsa është botuar në rreth 20 revista e gazeta letrare nëpër botë.

Në këtë natë poetike ftohen të gjithë dhashamirët e poezisë të bashkangjiten në oborrin e Rezidencës 17, në ora 16:00/KultPlus.com