Gjergj Fishta

Paska pré kasapi ‘i dhí

Edhè misht vjerrka mbí krraba:

Kush âsht djalë n’Shqyptarí

Qi p’r Atdhé s’i dhimet zhaba?

Rreh tallazi per t’gjatë bregut:

Dalin kublat n’karajel;

Eni, o t’bijt e Skanderbegut,

Me derdhë gjakun sot çurrel!

Na rá breshni n’Bardhanjorë,

Rrenoi vneshtat me gjith fiq;

Trima mbrendë me dorë, me dorë!

Rnoftë Shqypnija me gjith miq!

(Nga: I ligu për mend, Komedi tri aktesh shkrue mbas Molière-it e përshtatë instituteve mashkullore të Shqypnis prej P. Gjergj Fishtës O.F.M., Shkodër 1931, Shtypshkroja Françeskane.)/ KultPlus.com