‘Brinjët e shpisë pa tavan kërrusen përdite e ma fort, pa kenë të zojat me përballue shfrimet e imagjinatës teme të hallakatun’

8 Gusht, 2022 - 10:45 pm

Poezi nga Rozafa Shpuza

Rrjeta marimangash
kaplojnë brinjët hollake të shpisë teme pa tavan
si gjergjef gjigand me nji model të paracaktuem përmbi.
Nisi me qindisë inxhe për pe boshllëkun
tue krijue kryqe simetrike
në qasje të dashnive që ma shpeshtuen frymimin.
Kryqet kapen përdore
të bindun se mund t’ma skicojnë rrugtimin,
kurse brinjët e shpisë pa tavan
kërrusen përdite e ma fort
pa kenë të zojat me përballue
shfrimet e imagjinatës teme të hallakatun… / KultPlus.com

Të fundit

Të ngjajshme