Dy fjalë për përmendoret

10 Tetor, 2017 - 5:57 pm

Poezi e shkruar nga Shazim Mehmeti.

Nuk bëjmë mirë
që u ngrisim përmendore heronjve

Skulptorët i kemi të dobët
fytyra të shëmtuara gdhendin
sa shumica e njerëzve
frikohen prej shtatoreve.

Më të bukur u duken
manekinët e kombit-
tradhtarët e gjallë
që sillen me elegancë
dhe tërheqin si dilerët
me dioptritë e nuancuara të syzeve

Skulptorët duarvrazhdtë
dhe artin e tyre makabër
do duhej t’i përdornim
për t’u ngritur përmendore tradhtarëve!
Mbase do t’i bënin të shëmtuar
aq të shëmtuar do t’i bënin
sa askush s’do të donte t’u ngjasonte!

Të fundit

Të ngjajshme