E nisëm një shtator

1 Shtator, 2019 - 7:30 pm

Poezi nga Vehbi Kikaj

Erdh shtatori me erë molle,
shtatori mbi qerre me rrush!
N‘agim dëgjoj zile shkolle,
e rrugës vrapon një vogëlush.

Romakët sulmojnë me shpata,
Ilirëve iu prin Teuta…
Si ndërrohen dita e nata?
Duhet t’flasësh pa u nguta.

Po s’dite ligjin e Arkimedit,
Merr librat e fle mbi to!
Kimisti t’pyet sipas rendit
me formula t’veta – H2O…

Një shtator, e nisëm një shtator,
urë të gjatë na duhet kaluar.
E kjo urë e ka fundin n’qershor,
kur t’kalojmë, përshëndetemi: Gëzuar!

Të fundit

Të ngjajshme