займ на карту онлайн потребительский кредит

Erona Tasholli, poetja shqiptare që po mahnitë Gjermaninë me interpretimin dhe poezinë e saj (FOTO/ VIDEO)

21 Shkurt, 2018 - 6:20 pm

Erona Tasholli, është një zë i ri poetik që po arrin të prekë skenat e Gjermanisë me stilin e saj të veçantë të poezisë dhe të interpretimit. Emri i saj tashmë ka zënë vend edhe në shtypin gjerman, shkruan KultPlus.

Gili Hoxhaj

Erona Tasholli është vajza nga qyteti i Lipjanit, por që është rritur dhe shkolluar në Gjermani, atje ku edhe po depërton në sferën kulturore. Talenti që ajo e ka, ia bën çdo herë e më të lehtë depërtimin edhe në një vend të huaj.

Erona, e cila sot është 18 vjeçare, me poezinë e saj ka udhëtuar në shumë qytete të Gjermanisë. “Poetry Slam”, është lloj i poezisë që asaj i ka dhënë shkëlqimin artistik. Ky lloj i poezisë moderne është zbuluar shumë herët në Amerikë, por në Gjermani ka ardhur në fillim të këtij shekulli. Liria që i ofron ky lloj i poezisë, ka bërë që Erona të zhytet në këtë lloj të shkrimit.

“Unë performoj që nga mosha 14 vjeçare dhe kam marr pjesë në shumë Poetry Slams në tërë Gjermaninë, që nga Aschaffenburgit e Miltenbergit në fillim e deri në Mynhen, ne Nürnberg, Regensburg, Berlin, Stuttgart e me vende të tjera”, tregon fillimisht Erona për KultPlus.

Duke qenë se në këtë lloj poezisë, publiku thotë fjalën kryesore dhe vlerësimin vendimtar për poezinë, Erona jo rrallë herë ka arritur ta bëjë publikun për vete, vetëm me fuqinë e shkrimit, zërit dhe interpretimit të saj.

“Zakonisht është formë e lirë, nuk mundet askush që të tregoj që „bejë ndryshe“ se mundesh të shkruash për çfarëdo teme dhe në çfarëdo mënyre. Poezia mund të të bëjë për të qeshur, për të qarë, për të menduar apo edhe për të kritikuar më tepër. Me rendësi është qe e bën publikun për vete me fjalët tua e jo te huaja, me rëndësi është që të jesh i sinqertë, pasi që nuk mund të përdoresh diçka tjetër që mund të ndihmoj, as muzikë, maskime ose elemente të tjera mbështetëse por shkëlqen veten me zërin, me performancen dhe me tekstin, pra me domethënien që e ndërfut brenda tij”, shpjegon për KultPlus, poetja nga Kosova, Erona Tasholli.

Ajo tutje shton se në poezinë e saj është munduar të prek tema që trajtojnë preukopimet e saj personale, jetën e problemet e vendit të saj, e të botës.

“Kam performuar në shumë vende, ku kam treguar për probleme të shtetit, të botes, të popullit, të njeriut individual dhe përmes tyre kam shprehur mendimet e mija se ku ndihem më së miri ose më së keqi – por gjithmonë në gjermanisht”, rrëfen tutje Erona Tasholli.

“E dashura Kosovë”, poezia në të cilën Erona rrëmbeu vendin e parë .

Duke qenë se zëri i Eronës, gjithnjë ka dhënë interpretime në gjuhën gjermane, ajo thotë se këtë vit për herë të parë, ka performuar në gjuhën shqipe, pranë publikut shqiptar. Qendra Kulturore Shqiptare në Stuttgart, për nder të dhjetëvjetorit të Pavarësisë së Kosovës dhe 550 vjetorit të vdekjes së Gjergj Kastriotit- Skënderbeut, ka organizuar një orë letrare në të cilën Erona iu fali shumë emocione bashkëkombësve të saj me poezinë “E dashura Kosovë”. Në mesin e dhjetë poeteve, ajo arriti të marr vendin e parë në këtë ngjarje të karakterit garues.

“Unë vendosa te shkruaj për atë që e kam pasur në zemër për një kohë te gjatë, prandaj e dërgova një letër metaforike Kosovës dhe banorëve të Kosovës nga fëmijët e mërgimit”, tregon Erona Tasholli për përmbajtjen e kësaj poezie, e mesazhin e saj.

E dashura Kosovë,
edhe hënës ja merr anën, te thërrasim diell,
me shumë ndriçon se yjet, te thërrasim qiell
sepse edhe kur te jem te humbur gjithmonë ty mbi neve të kem,
Kosovë, te thërrasim shtëpi se këtu pa shtëpi kemi mbetë.


Ky është vargu i parë i poezisë fituese, e që përfaqëson zërin e një vajze mërgimtare, që është rritur me mallin dhe dashurinë për vendlindjen. Edhe pse larg, dashurinë për vendin e ka mbajtur gjithnjë afër. Me të njëjtën frymë vazhdon poezia deri në vargun e fundit.


Kosovë, sot jemi me mall,
për gjysh, për dajën e për hallë,
Kosovë, sot po të thërrasim lartë,
por nese nuk përgjigjesh, nesër tjerët dot mbesin
hiq pa fjalë.

Ne vendin ku ajo jeton thotë se ka organizuar dy ngjarje të poezisë, ndërsa fitimet kanë shkuar për organizatën humanitare Amnesty International. Kurse këtë javë, Erona do te moderoj një mbrëmje letrare dhe do te jetë pjesë e saj me punimet origjinale, per çka edhe ka shkruar gazeta gjermane “Mein echo”. Në faqet e kësaj gazete shkruhet se duke qenë se kjo ngjarje është organizuar edhe më parë, veçantia e këtij viti është se organizatorja Erona Tasholli, ka arritur që në këtë event të mbledh shumë më tepër poetë nga rajoni se sa vitin e kaluar. Në mesin e shumë sukseseve të Erona Tashollit, gazeta gjermane e kujton edhe një poezi me të cilën thotë se Erona ka shkëlqyer në vitin 2016 , dhe që po vazhdon ende të tërheq shumë shikues në Youtube.

Tashmë poetja e re Erona Tasholli, është në prag të organizimit të mbrëmjes poetike që do të mbahet këtë të premte, duke filluar nga ora 18:30, në Wörth Am Main./ KultPlus.com

Të ngjajshme