Poezi nga Xhevdet Bajraj.

Të jesh njeri
në zemrën e të cilit jetojnë
kaq shumë të vdekur
dhe të vazhdosh përpara
të hidhesh nga guri në gur
të kapërcesh lumin
duke e lënë në bregun tjetër
jetën
dhe të shkosh ta takosh autorin
e këtij tregimi horror
epo jo 
falëmnderit shumë
më duket shumë më e shëndetshme
të mos lëviz fare nga shtrati

“VITET QË NUK E SOLLËN PRANVERËN”, De Rada, 2018, Ferizaj