Më lër të iki vetëm për një vit

3 Prill, 2018 - 11:40 am

Poezi nga Moon Chung-Hee.

I dashur, më lër të iki vetëm për një vit, të lutem
Po shkoj tani me pushime për vitin shabatik të martesës
Që nga ajo dita që i jemi betuar njëri-tjetrit për unazë
Të dy krah më krah
Për të mirë e për të keqe
Kemi mbërritur deri këtu të fortë e plot guxim
A ka oazë në shkretëtirë
Apo është oazi që ka shkretëtirën e vet ?
Sidoqoftë, kemi lëshuar rrënjë aty
E degët janë rritur e ngatërruar
Por tani, më lër të iki vetëm për një vit, të lutem
Edhe ushtarët e kanë një leje
Edhe punëtorët kohën e pushimit
Edhe vetë kërkuesit e qetë
Ikin të frymëzohen për një vit shabatik
Tani edhe unë po ia jap vetes një vit pushim si ata
I dashur, më lër të iki vetëm për një vit, të lutem
E do të vij pasi ta kem gjetur veten.

Të ngjajshme