Liridon Mulaj

Portreti: Agim Sulaj

Âsht e rândë  
me kânë malsuer!
Gjâmën e kângën i kie varun
mbi qerpik tân’ jetën,
po loti nuk t’falet.

M’beso!
S’âsht kollaj
me kânë malsuer!
Kie me shkue krushk,
edhe në paç mort’.
Kie me i ra çiftelisë,
edhe në paç gjâmë
Kie me qit pushkë,
edhe pa gjaksor.

Se malsueri,
lahutën e pushkën,
i var në t’njajtën gozhdë.
E rândë, fort e rândë,
me kânë malsuer…/ KultPlus.com