Poezi nga Dritëro Agolli

Mjekra

Mikut tim të mirë, Agim Vincës

Ç’janë këto valë të bardha në flokë e në mjekër,
Ato s’t’i kam parë kur ishe i ri,
Mos vallë t’i sollën nositët e vjetër
Tek krahët përplasën në Dri’?

Mos vallë andej nga Mali i Thatë
Një shtërg i vonuar qëndroi
Dhe hodhi një pendë nga bishti i gjatë
Kur ty fillikat të vështroi

Dhe penda valë ngriti në mjekrën e ngratë?

Stamboll, 3 korrik 1998 / KultPlus.com