Në kafe bar 1001

22 Shkurt, 2021 - 9:17 pm

Poezi nga Arber Jashari

Në 1001

1001 herë t’u luta  

Mos ik, rri

Atë natë, në kafe-bar 1001.

Ora  01 e 10 

Akrepat 1 mbi 1.

1 qytet në gjumë

Zgjuar veç ne të 2.

Fjalë, llafe pa fund.

Por kot, s’u binde  ti.

1001 dritare ti hapa.

Si mi mbylle si ?

1001 lule t’i dhurova

Mi  hodhe  1 nga 1 .

Më le më 1001 plagë.

Atë natë të errët me shi.

Në kafe-bar 1001.

1001 net kaluan,

sikur të ishin 1.

1000 diej vezulluan,

e perënduan në galaksi.

Nga mendja kurrë s’ mu hoq

ajo natë e errët me shi.

Në kafe bar 1001./ KultPlus.com

Të fundit

Të ngjajshme