‘Ngjan si e stisur, po unë qeshë i tëri aromash e tingujsh e shpirtrash dehur’

13 Prill, 2022 - 5:00 pm

Shkruan: Adem Gashi

Më zuri nata midis shavarësh e shelgjesh
bregut të lumit
(Sa ngjan me një stisje romantike!)
dhe Hëna qe e palindur a e fshehur,
dhe pa një zog çerdhet,
dhe… mbretëria e pagjumit.

Ju thashë si e stisur ngjan,
po Ajo qe me mua
në trajtën e pranisë së mungesës
si një cigane shpërthyese a lule Shëngjergji….dhe yjet qenë fshehur.

Ngjan si e stisur, po unë qeshë i tëri
aromash e tingujsh e shpirtrash dehur. /KultPlus.com

Të ngjajshme