Paqe e jemja

23 Tetor, 2018 - 11:42 pm

Poezi nga Flutur Mustafa.

Kisha flejtë
asnjëherë pa u zgju
në ngrohtoren tande
që gjoks i thonë.

nuk kisha me andrru zgjimin
përpos nëse menjëherë
prap në gjumë kisha ra.
ti paqe e jemja.

prekëm,
ndjemë që jam aty
edhe pse e plogësht
dhe në gjumë.

shikomë,
mbase me sy dhembshunie
e kur ma e fortë të bahem
me sy të zjarrtë dashunie.

shkurt me thanë
kisha flejtë
asnjëherë pa u zgju
në ngrohtoren tande
që gjoks i thonë.

edhe nëse kisha me u zgju
kisha imagjinu të tanë ditën
thua se në tandin gjoks
po shijoj paqen. /KultPlus.com

Të fundit

Të ngjajshme