Për ty që je larg

31 Janar, 2023 - 9:30 pm

Poezi nga Rozafa Shpuza

A e ndin ofshamën e oxhakve
që shprazin dufin si shtëpiaket grindavece
që harrojnë unin
porse dinë përmendësh dashnoret e nji personazhi n’telenovelën rishtake…
Qyteti ka ngri
e ti mund ta ndjesh ma s’mirit atë aromë unike
që t’kujton votrën
sado larg t’ketë çu fati.
He,
ndalu nji hop e merr frymë thellë
aq sa krahnori të t’mbushet…
por ti s’e din për çka ke mall ma fort
veç ndjen se jehonat rrinë pezull
prejse kërkojnë trokun e rrugicës
që t’çon n‘shpi…
Oxhakët prore shprazin duf
e kërkush ma mirë se ato
s’ta sjell mirazhin e përhanun t’pragut
teksa pret përmallshëm
zhumhurin e hapave t’harruem…/ KultPlus.com

Të ngjajshme