займ на карту онлайн потребительский кредит

Poezia sot

2 Prill, 2018 - 6:00 pm

Poezi e shkruar nga Xhevdet Bajraj.

Ai që deri më dje vilte vetëtima nga qielli

sot rrugëve të qytetit shet vargje me gram

Zonja dhe zotërinj

urdhëroni vargje të freskëta çudibërëse

janë të ziera në dhjamë gjarpërinjsh

nga ata që jetojnë në shkretëtirën e shpirtit njerëzor

Kemi nga të gjitha llojet

shërojnë dhimbjen e kokës së kësaj dhe asaj bote

kam vargje për nerva të egra e të buta

shërim a hapje plagësh për të rinjtë që merren me sport

për ata që nuk u pëlqen apo u pëlqen arti

vrasje a ringjallje dashurish

thurje e shthurje komplotesh

sqarime të së kaluarës dhe të ardhmes

vargje për t’iu lutur Zotit të bjerë shi apo të ngrohë dielli

rima të pikura nga vetë qielli

……. urdhëroni urdhëroni

një thesar të tërë vlejnë

ndërsa ju i merrni veç për dhjetë cent

Ai që sot kot vjel vetëtima

iu afrua dhe i pëshpëriti në vesh

për t’i shitur vargjet sot o mixhë

duhet që shteti ta ndalojë poezinë me ligj

Të ngjajshme