Si në legjendat arnaute

13 Shkurt, 2023 - 10:00 pm

Poezi nga Argëzon Sulejmani

Kam ngjy thonjtë në vjollce, nanë
Dua fort me i pri beharit
Të ngutet fill pas meje, nanë
Mu në vlugun e acarit.

Nuk janë thonj çulli, loke
Lumi i kuq nuk stepet kurrë
Janë gishtërinj nuseje, loke
Duar që babën e bajnë gurë.

Gurë mbi kokën time, bac
Një kështjellë me atribute
Bëhesh log i çikës, bac
Si në legjendat arnaute

Në ta nxiva xhanin, nëno
Dhe për mua hanën lute
Qiejsh e gjejë gjininë, nëno
Si në legjendat arnaute. / KultPlus.com

Të ngjajshme