Poezi nga Xhevdet Bajraj.

Kur u ndërpre ëndrra e keqe e luftës në qiell
Zoti i sapo zgjuar nga gjumi
e ndezi TV-në
dhe e pa një grua në tokë
duke bërë dashuri
me sëpatën e ngulur në kokë
në bishtin e së cilës shkruante: 
Bac u kry

Pas nëntë muajve
trupi i saj lindi filiza binjakë
gjembat ishin vaji i tyre i parë
lulet ishin vaji i tyre i fundit

“Vitet që nuk e sollën pranverën”, De Rada, 2018, Ferizaj