Ty kurrë s’t’kam dasht’

22 Prill, 2020 - 12:03 pm

Poezi nga Agon Rexhepi.

Ty kurrë s’t’kam dasht’
Dije!
Mos u mburr me dashninë tem
t’cilën kurrë s’e pate
e as kurrë s’ki me pas.

Ty kurrë s’t’kam dasht.’
E kam dasht’ idenë
që ti
mundesh me i plotësu zbraztinat
e zemrës tem
e jetës tem.
Ama ty,
ty kurrë s’t’kam dasht’


E kam dasht’
fuqinë tande me m’shti me kesh
e me m’ba me besu që t’du.
E kam dasht’
çdo moment që bashkë e kemi kalu
Ama ty,
Ty kurrë s’t’kam dasht’

I kam dasht’
mëngjeset
t’cilat të perqafuem na kanë gjet çdo herë.
I kam dasht’
shëtitje tona t’gjata në qytetin tand
I kam dasht’
çajat qe buzet tona i kanë përvëlu
I kam dasht’
ndërtesat e nalta prej të cilave
bashkë qytetin e kemi vrojtu
e kemi fol për të ardhmen
për
“të ardhmen tonë”

Ama ty,
Ty kurrë  s’t’kam dasht’

E kam dasht’
Ftyrën tande
e sytë e tu t’bukur.
I kam dasht’ krahtë e tu
dhe rehatinë që ata krahë ma kanë fal
kur fort m’kanë shtrëngu
Ama ty,
Ty kurrë  s’t’kam dasht’

Kam dasht’
shumëçka rreth teje
ama ty,
Ty kurrë s’t’kam dasht’

Të fundit

Të ngjajshme