Poezi nga Ali Podrimja – AJO QË NUK VDES.

Nipit, Gent Salihut

Nganjëherë Kosova m’i
ngjan
Urës së Fshenjtë
E lartë e bukur ku trimi
Shfaqet me shkabë në krah

Ditën buzëqesh natën
dënesë
Loti i rrjedh faqës së rjepur
Nuk di nga cili qiell rigon

Kosova m’i ngjan
nganjëherë
Gruas së lakuriquar
Në rrasë guri pret e shtrirë

Bie në gjunjë i Zoti,
qumësht ulkoje pi
Në qiellin blu fluturon
shkaba
Nga krahu i trimit

Bukuri që nuk vdes

Ali Podrimja (Ulpianë, 2007)